Item JM-AIY/OttomanRegisters/Vol14/p14b/item64 - Upon a Chamber of Commerce’s marginal note regarding the expenditure of 10,000 piasters from the municipal fund for the appointment of watchmen, 24 February 1909 (Gregorian calendar) - 11 Shubât 1324 (Ottoman fiscal calendar (Rumi)

1 item

Bekçilerin ta’yini için belediye sandığından 10.000 guruş sarfı hakkında Ticâret Odası’nın fi 7 Şubat sene 1324 tarih ve 14 numerolu derkenârı üzerine
Ticâret Odası’nın balada muharrer derkenârı mütalaa kılındı meclis-i acizânemizin iş bu varakada muharrer evvelki derkenârında arz olunduğu vechile şehirlerin gece hırâseinin masârifi mecâlis-i belediyeye aid olduğuna dair ne mezkûr Mecâlis-i Belediye Nizamnâmesi’nde ve ne de masârif-i tanzifiyye karşılığına vaz’ olunacak mürettebât hakkında mevzû’ kararnâmede mezkûr olmadığı ve mezkûr bekçi meselesi oda-i mezkûreye tevdi’inden maksad lâzım gelen bekçilerin bi’l-intihab nakat-ı lâzimeye istihdâm ve ikâmetleri olmayub şehrî müktezî olacak ma’aşâtın tüccara bi’t-tevzî’ temîn-i tahsîlinden ibâret bulunmuş olmağla Ticaret Odası ma’rifetiyle şimdiye kadar tevzî’ olunmuş olması lâzım gelen ma’aşât-ı mezkûrenin tahsîli me’mûl ise matlûb olan 10.000 guruşun istidânesine lüzûm olmadığından tahsîline değin bunun masârif ve ma’aşât erbâbına oda-ı mezkûre azâsı tarafından te’min olunabileceği derkârdır iş bu derkenârda belediyenin 100.000 guruş mevcûd-ı sandığı bulunduğu beyân olunmakta ise de Ticaret Odası’nın buna dahl ve ta’rizi olmadığı ve mâ-mafih meblağ-ı mezkûr Seyyidenâ Davud Kapısı dâhilinde inşâ kılınmış dekâkin için meclis-i idâre-i livâ kararı mûcibince yüzde altı hesâbıyla Anglo-Palestine bankasından istidâne kılınan 1.000 küsur liradan bâkî kalan 250 lira ile hastahâne için Paris’ten sipariş edilen edviye esmânı ve derdest-i ta’mir bulunan turuk mesârifine ve diğer masârif-i mübrimeye mevkûf olub mebâliğ-i mezkûrenin iş bu şehr-i Şubat zarfında tesviyesi mukarrer bulunmuş olduğundan ve ta’viz sûretiyle belediye sandığından bu kabil masârifden bir şey sarfını tecvîz edecek Meclis-i Mebûsan’dan musaddak mecâlis-i belediye nizamnâmesinde aslen mesâg (izin) mevcûd olmadığı ve mezkûr bekçiler ma’âşâtının ol sûretle belediye sandığından sarfı halinde Kanûn-ı esâsîye muhâlif ve bâdi-i mesûliyet olacağı cihetle nezd-i âli-i mutasarrıf-efhemîlerinden rehin-i cevâz olamayacağından mezkûr 10.000 guruş sarf ve tesviyesinin bekçilik masârifine karşılık tüccar üzerine tahsîs kılınan şehr-i Şubât tahsisâtının tahsîline değin te’cili husûsuna ve Oda’nın fi 16 Kanûn-ı sânî sene 1324 ve 1 numerolu iş bu varakada muharrer derkenârında taahhüd olunduğu vechile idâre-i maslahâta himmet ve mezkûr bekçiler mes’elesi 1322 senesinden itibâren Polis dairesi ma’rifetiyle rü’yet oluduğu cihetle çarşı ve mahâlât hırâsetine müteallik meclis-i âcizânemizde bir günâ evrâk ve defâtir mevcûd olmadığından evrâk-ı mezkûrenin Polis da’iresinden taleb olunması zımmında oda-ı mezkûreye emr ü havâlesi bâbında emr ü fermân. Fi 11 Şubat sene 324.

• Osmanlı Türkçesi