Item JM-AIY/OttomanRegisters/Vol14/p15b/item69 - Upon a Chamber of Commerce’s letter regarding money to build channels outside the city, 27 February 1909 (Gregorian calendar) - 14 Shubât 1324 (Ottoman fiscal calendar (Rumi)

1 item

Ticâret Odası’nın fi 26 Kanûn-ı sani sene 1324 tarih ve 7 numerolu takriri üzerine
Dâhil-i şehrin bütün mahalâtında lağım mevcûd olmadığı gibi hâricde dahi Rusyalıların ebniyesinden Mea Şarim nam kumpanyadan lağım-ı umûmiye muttasıl yeni lağım mevcûd olup haric-i şehirde lâzım gelen mahalâtta lağım imâli için hayli bir meblağ müktezi bulunduğu cihetle Kudüs’e isâlesi için tensib kılınan su hasılâtından senevi 30.000 Frank tahsis kılındığı bu babda komisyon-ı mahsûs ve belediye tarafından takdim kılınan lâyihada gösterilmiş olmağla mezkûr su isâlesinin masârifine karşılık talep olunan derilerin ahzına müsaade i’tâsında icâbına bakılacağı derkârdır hâl-i hazırda devlet-i âliye-i Osmaniye ve Almanya ve Avusturya devletleri teb’sından David Bidremin (?) ve Müdrişe Kohin kumpanyaları ve diğer ba’zı emlâk ashâbı tarafından lağım imâli ve temdidi talep olunmaka ise de lağım-ı mezkûr matviyyen mütekaddim keşif defteri mûcibince müktezi olan 393.445 guruşun tevzi’ ve tahsilinde ihtilâf vukû’ bulmuş olduğundan ashâb-ı emlâktan bir komisyon teşkiliyle bu babda ba’de’l-müzâkere tahsil kılınacak mebâliğin bir bankada vaz’ı ve lağım-ı mezkûrun belediye nezâreti altında komisyon-ı mezkûr ma’rifetiyle i’mâli husûsunun Ticaret Odası’na emr ü havâlesi babında fermân. Fi 14 Şubat sene 324.

• Osmanlı Türkçesi