Item JM-AIY/OttomanRegisters/Vol2/p15a/item87 - Issue regarding the creation of a municipal square, 30 October 1894 (Gregorian calendar) - 18 Tishrîn Awwal 1310 (Ottoman fiscal calendar (Rumi)

1 item

İş bu mazbata serapâ mütalaa kılındı mündericâtına nazaran Gaza meclis-i idâresi maksadı ise nizâma riâyet etmek olmayub muhteviyâtı mutavvel ve şâyân-ı tedkîk bir ciheti bulunmadığı tebeyyün etdiğinden bahsinde görüşülmeğe lüzûm görülemez şu kadar ki meydân olacak mahallerin tûlüne bakılmayıp arzına iti’bâr olunacağından ve iş bu mazbatada arz olunduğu vechîle mahal-i mezkûrun arzı on arşûndan yirmi arşûna kadar olduğu tebeyyün etmiş ve Ebniye Nizâmnâmesi’nin 1. maddesi ahkâmına tevfiken yolların vüs’atı 8 arşûndan 20 arşûna kadar olmak lâzım gelüb bu ise mahâl-i mezkûrun yollardan ma’dûd olması tabî bulunmuş ve meydân olduğu farz olunsa bile yine belediyye tarafından ortasında salaş ve tabla ile çadır kurarak eşyâ ve erzâk furuhtu memnû’ olmasıyla böyle mahalâtta belediyelerin hakk-ı tasarrufu ise hayvân yükleriyle arabalar tevkifinden ibâret olduğu gibi ma’âbid avluları ile iskelelerde ve umûma aid meydânlar ile mesirelerde ve’l-hâsıl menâfi-i amme için terk olunmuş yerlerde her ne sûretle olur ise olsun ahir sûrete tahvîli memnû’dur deyu mezkûr cedîd Ebniye Nizâmnâmesi 5. maddesi ahkâmından bulunmuş olduğundan mahâl-i mezkûrun belediye tarafından salaş ve erzâk fürûhtu için çadır imâl edilerek icâre verilmesi husûsunun bir mahale tahvîl edilmiş demek olacağından icâbı bi-t-tezekkür bu babda iktizâ eden muâmelenin beyân-ı zımmında meclis-i idâre-i livâya havâle olunması babında. Fi 18 Teşrîn-i evvel sene 310.

• Osmanlı Türkçesi