Showing 4210 results

Matlûb ta’mirâtın masârifi meydân-ı münâkasaya tarh olunduktan ve talib bulunanlar keff-i yed eyledikten sonra merbûten takdîm kılınan münakasa varakaları mûcibince sağ akçe olarak bin otuz guruş bedel ve Abdülkadir El Alemi kefâletiyle Reşid El Bilibi (?) uhdesinde takarrür etmiş olmağla ol babda. Fi 28 Haziran sene 310.

Belediye Hastahânesinin kat-ı ulvisindeki helâlar mecrâsı harap olup bunun ta’miriyle demirden ma’mûl mecrâlar konulduğu halde süfli (aşağı kat) damının hubûtuna mû’di olacağı ve ta’mirât-ı mezkûreye 1687,5 guruş masârifâta ihtiyâc bulunduğu belediye mühendisinin fi 5 Kanun-ı evvel sene 1321 tarihli verilen keşifnâmesinde beyân olunması ve husûs-ı mezkûr led-et-tezekkür ta’mirât-ı mezkûre behe-mahal icrâsı müktezi olduğu ve terk olunduğu halde ileride daha ziyâde masraf ihtiyârı müktezi olacağı tebeyyün etmiş ve mezkûr hastane ta’mirâtı için bu sene büdçesinde tahsis kılınan mürettebât kâffesi sarf olunmuş olmağla ta’mirât-ı mebhûs-ün anhânın bu sene icrâ olunmak üzere meblâğ-ı mezkûrun haric-i ez-büdçe sarfı için taht-ı karara alınması zımmında meclis-i idare-i livâya emr ü havâlesi babında ferman. Fi 10 Kanun-ı evvel sene 321.

Hınta ve şa’irin kat’-i fiyâtı hakkında Evkâf Muhâsebesi’nin fi 21 Kanûn-ı evvel sene 1321 tarih ve 191 numerolu tezkeresi üzerine
Hınta = 1 Şinik, 6 guruş
Şa’ir = 1 Şinik, 4 guruş 15 para
Hâl-i hazırda hınta ve şa’irin beher şiniki hesâb-ı evsat üzerine sağ akçe olarak bâlâda muharrer fiyât ile furûht olunmakta olunduğu erbâb-ı hibereden led-et-tahkîk anlaşılmış olmağla ol babda emr ü ferman. Fi 22 Kanûn- evvel sene 321.

Gazhane maliye nâmına tahvili için koçan alınmak üzere kıymet ve mesahâsıyla hudud ve sınırını beyânı Maliye Nezâret-i celilesinden fi 29 Ağustos sene 1321 tarih ve yirmi 28 numerolu mevrûd tahrirât-ı âliye üzerine muhâsebe-i livâdan fi 22 Eylül sene 1321 verilen derkenâr üzerine
Mezkûr gazhânenin kıymet ve mesahâsıyla hudud ve sınırını mübeyyen olarak matlûb iki kıt’a pusula bi-t-tanzim takdim kılınmış ve matviyyen mütekaddim haritadan müstebân buyrulacağı vechile idare-i mezkûreye vaktiyle belediye sandığından mübayaa olunan arâzinin idareye müktezi arâziden pek fazla olup depoya lüzûmu bulunmamasından dolayı dört bin murabba’ arşın mesahâsında bir kıt’a ifrâz (ayırmak) edilerek ortasında bir yol güşâd olunmuş ise de arâzi-i mezkûrenin hin-i ifrâzında tapu senedi tefrik olunmadığından idâre-i mezkûre Maliye nâmına hin-i tahvilinde depoya lüzûmu olmayan mezkûr arâzi-i müfreze için belediye namına bir tapu senedi i’tâsı her halde re’y-i âli-i mutasarrıf-azimilerine men’ût bulunmuş olmağla ol babda emr ü ferman. Fi 4 Kanun-ı sani sene 321.

No English translation of this decision.

We announce the telegram dated on the 14th of Kânûn Thânî (1)321, presented from Qâ’im Maqâmiya of Gaza, stated that constructions and wood works which are estimated at 94,908 piasters and 50 centimes are needed for commercial residence in Gaza are offered for Dutch auction for a period of one month. All those wishing to participate in the auction and review its terms should contact the municipal department in Jerusalem. Therefore, these procedures were announced on the 16th of Kânûn Thânî (1)321 (29th of January 1906).
[No signatures]

Kudüs’te teşkîl edilecek at koşu müsâbakasının mevki-i icrâya vaz’ı hâlinde belediyeye te’min edilecek fazlâ-ı vâridâtın sûret-i istifâsı ve müsâbakanın ne yolda icrâ edileceğinin beyânı ve müsâbakada ihrâz-ı galebe (kazanan) edeceklere verilecek mükâfâtın sûret-i tertibinin iş’ârına dair bu kere Şurây-ı Devlet Mülkiye da’iresinden şeref-vurûd fi 27 Kanûn-ı evvel sene 1321 tarih 11 numerolu iş bu emirnâme mütalaa olunarak Sıhhıyye Baytar Müfettişi ve Kudüs-i Şerif Baytar Me’muru Effendiler hazır oldukları halde husûs-ı mezkûr meclis-i âcizânemizde tezekkür kılındı istifsâr buyrulan fazla-i vâridatın kısm-ı külliyesi müsâbakayı seyre gelen ahâliden alınacak bir veya bir buçuk mecidiyelik duhûliye ücreti hasılâtıyla yevm-i müsabakada koşu meydânında açılacak kahvehâne ve lokanta gibi mahallerden te’min edilecektir müsâbakanın sûret-i icrâsı İzmir ve Manisa’nın resm-i koşularında olduğu vechîle hükûmet-i mahalliyenin taht-ı nezâretinde ve me’murin-i fenniye ve ehl-i hibreden teşekkül bir komisyonun tanzîm edeceği program-ı mahsûs mûcibince Kudüs’ün Bekaa mevki’inde merbûten takdîm harita mûcibince tesviye edilecek “ipodrumda” senenin ilk ve son baharlarında mevki’-i tatbîke konulacak ve fazla rağbet bulunduğu takrirde senede üç def’a icrâ edilecekdir ve her def’asında hâsılâtın aliyyü’l-akall 10 bin guruş raddesinde olması me’mûldur müsabakada ihrâz-ı galebe edeceklere verilecek mükâfâtın sûret-i tevzi’i hâsılât-ı müsâbakanın nısfını tecâvüz etmeyecek sûrette tanzîm kılınacak ve nısf-ı diğeri ise büsbütün belediyeye ait olacaktır fakat müsâbakanın ibtidâ-i teşkîli münâsebetiyle “galeri” inşâsı ve ipodrum mevki’inin tesviye-i tarabyası cem’en yekûn mütekaddem pusula mûcibince 32400 guruş raddesinde bir mikdâr mesârif-i evveliyye ve sene zarfında iki defa icrâ olunacak musâbaka için 5000 guruş mesârif-i daimenin ihtiyârına mütevakkıf bulunduğundan belediye tarafından ihtiyâr edilecek mesârif-i evveliye bu hesâba göre beş sene zarfında kapatılabilecek ve sâlif-ül-zikr 32400 guruşun yeniden tesviyesi için belediye varidâtı gayr-i müsâid ise de meblağ-ı mezkûr münâsib fa’iz ile istikrâz olunduğu halde 5-6 sene zarfında vukû’ bulacak hasılatdan belediye hissesinden tesdîd (doğrultma) olunarak mesârif-i saireye lüzum mess (meydana gelmek) etmeyeceğinden altı sene sonra belediye sandığı salif-ül-arz varidât-ı umûmiyenin kısm-ı azîmi tasarruf edebilecektir zaten at koşusu musâbakalarının mevki’-i tatbike vaz’ı belediyeye fazla-ı vâridât te’minden ziyâde inkirâza yüz tutmuş asil arab cins-i feresinin (at) ve urbânın bu babdaki şevk ve rağbetlerinin teşvikine münhasır bulunduğundan sûret-i daimede mevki’-i icrâya vâz’ edilecek bu misüllü müsâbakalarda hâsıl olacak hâsılâtın nısfının kazananlara nısf-ı diğerinin belediyeye tahsîsi her iki cihetce matlûb olan netâyicin husûlüne kâfî olacağı tebeyyün etmiş ise de bir kere de lieci-t-tezekkür meclis-i idâre-i livâya emr ü havâlesi babında fermân. Fi 17 Kanûn-ı sani sene 321.

Yakop Vays (?) ve Katlop Sandal (?) nam Almanyalılara sayd (avlanma) tezkeresi i’tâsı hakkında Almanya Konsolosluğu’nun fi 21 Kanun-ı sani sene 1321 tarih ve 266 ve 267 numerolu iki kıt’a takriri üzerine
Merkûman tarafından memleketşn cihet-i şarkiyesinde vâki ve Bir-Ayub kurbunda kâin Aynü’l-aveze (?) nâm mevki’den sonra Vad-el-ahere (?) nâm mahâlde teâti-i sayd kılındığı halde be’is olmayacağı tebeyyün etmiş olmağla ol babda emr ü fermân. Fi 21 Kanun-ı sani sene 321.

Mahkûm hapishânesindeki abdesthânelerin ta’miri için keşif icrâsı hakkında Jandarma Kumandanlığı’nın fi 4 Şubat sene 1321 takrir üzerine
Mezkûr hapishânede icrâsı matlûb ta’mirâtın keşfi icrâ olunarak sağ akçe olarak 2520 guruş masârifâta muhtâc olduğu merbûten mütekaddim mühendis keşifnâmesinden anlaşılmış olmağla ol babda emr ü fermân. Fi 7 Şubat sene 321.

No translation nor transcription of this decision.