Item JM-AIY/OttomanRegisters/Vol7/p23b/item169 - About the rent of slaughterhouse, 7 April 1898 (Gregorian date) - 26 Mârt 1314 (Ottoman fiscal calendar (Rumi)

1 item

Gaza daire-i belediyesi tarafından mezbahâ inşâ olunmuş ise bedel-i icârı nakden ve yâhûd zebh olunan ağnamın bağırsakları i’tâsına kasablar melzûm oldukları fi 17 Kanûn-i sâni sene 1313 tarihli mecâlis-i âcizânemizden huzûr-ı âlî-i mutasarrıf-ı efhemîlerine ba-takrîr arz olunmuşdu ve Vilâyât Belediyye Kanûnu’nun 3. maddesinde nân-ı azizin fiyâtıyla vezni tam ve pişkin ve temiz olmasına ve unu bozuk olmamasına dikkat ve muhıll-ı sıhhât olan makulâtın men’-i fürûhtuna itinâ olunacağı mezkûr olub eşyâya narh verilmesi hakkında serâhat olmadığı cihetle taşra belediyelerinin ekmekten başka mâkulât ve saireye narh vermesi hilâf-ı kanûn olduğundan belediyelerce ba-demâ ekmekten başka ve saireye narh verilmemesi ve bununla beraber bir takım ashâb-ı ihtikârın halkı ızrârlarına meydân verilmesi dahi caiz olmayacağından muhtekirler hakkında kanunen mübeyyen olan cezânın tamamen icrâsına itinâ ve dikkat olunması fi 21 Ramazan sene 1298 ve 4 Ağustos sene 1297 tarih ve 13 numerosuyla murakkaman makam-ı Başvekâlet-i celîleden şeref-vurûd eden emirnâme-i sâmîde irâde ve fermân buyrulmuş olmasıyla Gaza belediye dairesi kasablara narh kat’ine hakk ve selâhiyeti olmadığının kazây-ı mezkûr kaymakamlığına ba-emirnâme-i âliyeleri irâde ve iş’ârı bâbında. Fi 26 Mart sene 314.

• Osmanlı Türkçesi