Item JM-AIY/OttomanRegisters/Vol8/p7b/item52 - About reparation of the Armenian monastery, 21 November 1898 (Gregorian calendar) - 9 Tishrîn Thânî 1314 (Ottoman fiscal calendar (Rumi)

1 item

Ermeni manastırına aid vakıf bir bab hanenin kapısı bir tarafı ta’mir olunmuş ise de hitâmı sırasında birkaç günden beri men’ olunduğu ve haşmetlü Almanya İmparatoru geçeceği yol üzerinde bulunmasından ve mevsim-i şıtanın hûlulünden nâşi sür’at-i itmâmı zımmında ta’mirâtı mezkûrenin ikmâliyle arkalarında kain iki dükkânın ta’mir ve termimi ve hane-i mezkûrenin dâhilinde münhedim olan üç odanın yerine yeniden üç oda ve bir balkon inşâsı için ruhsât i’tâsını mutazammın 5 cemâziyel-evvel sene 1316 ve fi 8 Teşrin-i evvel sene 1314 tarih ve 318 numerolu Ermeni Patrikliği’nden takdim kılınıp fi 8 Teşrin-i evvel sene 1314 tarihinde meclis-i acizânemize havâle buyrulan takrir led-el-mütalaa mebâni-i mezkûreye ruhsât i’tâ olunmak üzere mevki’i keşf ettirilerek önündeki tarikin arz-ı şark tarafında beş arşın iki sülüs ve garb tarafında beş buçuk arşın olduğu ve mezkûr yolun ehemmiyeti derkâr ise de mevcûd olan kadim ebniyeden dolayı bu babda müttehiz olan Ebniye Kanunnâmesi’nin birinci maddesinde mübeyyen beşinci sınıftan ziyâde bulunması müteassir bulunmasıyla sınıf-ı mezkûre tatbiki yani sekiz arşun vüs’âtına iblağı hasb-el-istikâme iki cihetten iki buçuk arşun terki müktezi iken mezkûr Ermeni Manastırı mahallinden terki lâzım gelen bir arşın bir çeyrek terk olunmaksızın dükkanlar için birer kemer imâl olunmak üzere müceddeden arzı bir metre on bir santim ve irtifâi bir metre yermi beş santim bir ayak imâl olunduğu tebeyyün etmiştir yapılacak şehnişin ve balkon tûli bulunduğu katın ve cephesi tûlünden sülüsânını ve bu vüs’âtta ………………..(eksik) arzı bir arşun tecâvüz etmeyeceği nizamnâme-i mezkûrun yirmi altıncı ve yedinci maddesi ahkâmından olup manastır-ı mezkûr tarafından imâl kılınacak balkonun katı ve cephesi tûli on bir züra’ bulunmasından nâşi anda inşâ kılınacak balkonun tûli yedi arşun bir sülüs ve arzı bir arşın olacağından yolun vüs’âti için terki lâzım gelen sâlifü’l-zikr bir arşın bir rub’ mikdârı terki zımmında sâlifü’l-zikr ayak hedminden sonra balkonun tûli ___ el-beyân mikdârdan ziyâde yapılmamak üzere mebâni-i mezkûre inşâsı için ruhsât i’tâ olunacağının manastır-ı mezkûr patrikliğine ba-tezkere-i âliyeleri irâde ve iş’ârı babında. . Fi 9 Teşrîn-i sâni sene 314.

• Osmanlı Türkçesi