Item JM-AIY/OttomanRegisters/Vol14/p14a/item60 - About a telegram from the Ministry of Internal Affairs regarding negocation for roads, passages, facilitation of commerce and agriculture, 18 February 1909 (Gregorian calendar) - 5 Shubât 1324 (Ottoman fiscal calendar (Rumi)

1 item

Vilâyet meclis-i umûmisi bi’l-ictimâ’ turuk ve me’âbir ve teshîl-i zirâ’at ve ticârete ve hususât-ı saireye dair müzekkirede bulunması Dâhiliye Nezâret-i celîlesinin mevrûd telgrafnâmesi iktizâsından bulunmağla daire-i âcizânemizin menâfi-i beldeye âid icrâsı elzem görülen ba’zı mevâd-ı nâfıânın beyânıyla ol babdaki mütalaânın tastîrine mecbûriyet hâsıl olmuştur

• Evvelen Kudüs’ten Rum Manastırı’na âid Nikifurya demekle ma’rûf arâziden şimendifer mevkîfine kadar muvassal olmak üzre evvelce nafıâca tanzîm kılınmış olan _____ mûcibince ve masârif-i nafıâ emvâlinden tesviye olunmak şartıyla 20 metro arzında ve takrîben 1.000 metro tûlinde müceddeden bir yolun güşâdı halinde şimendifer mevkîfine kadar şimdiki mesâfenin bû’diyeti taksîr (kısaltma) edilmiş ve mûcib-i muhassenât olacağı ve bu vesîle ile umûr-ı ticâriyenin teshîlini mûcib olacağı
• Sâniyen Şeriâ nehri üzerinde bulunan köprü varidâtının Kudüs Gurebâ Hastanesi’nin tehvîn-i ihtiyâcına terki husûs-ı istizân kılınmış ise de muahharan şeref-mevrûd tahrirâtta mezkûr köprünün nafıâ mahsusâtından inşâ edilmesinden dolayı mezkûr köprü varidâtının ma’liyeye âid bulunduğu iş’âr edilmiş ise de nafıâ tarafından ihdâs ve temdîd olunacak turuk ve köprülerden rüsûm alınmaması ol babdaki nizâmın iktizâsından bulunmağla mezkûr köprü rüsûmunun ilgâsı cihetine gidilmesi
• Sâlisen zira’âtin terakki-i esbâbının tedkîk husûsu geçenlerde arâzi-i seniyye müdürü beyin taht-ı riyâsetinde teşkîl kılınmış komisyon tarafından tanzim kılınan rapor mevki’-i müzekkireye vaz’ıyla ahkâmının icrâsı hâlinde Kudüs kazâsı ahâlisine fevâid-i azimeyi istintâc (netice çıkarmak) edeceği mütalaasıyla arz-ı keyfiyet ictisâr kılındı ol babda emr ü fermân. Fi 5 Şubat sene 324.

• Osmanlı Türkçesi