Item JM-AIY/OttomanRegisters/Vol9/p1b/item6 - Reparation of the macadam near Halil gate, 11 October 1900 (Gregorian calendar) - 28 Aylûl 1316 (Ottoman fiscal calendar (Rumi)

Halil kapısından demiryolu mevkîfine kadar mümted bulunan ve Nafıa tarafından ta’mir olunagelmekte olan şosenin harâbiyetine nazaran muhtâc-ı ta’mir ve ıslah olduğu fi 22 Şubat sene 1315 tarihinde Meclis-i âcizânemizden mütekadim takrîrde arz ve beyân olunmuştu mezkûr şosenin şimdiye kadar ta’miri icrâ olunmadığı cihetle harabı tekessür edib ondan i eden şiddet-i agbâr mürûr ve ubûr edenlere mûcib-i meşakkât olduktan başka hulûlü takarrüb eden eyyâm-ı şitada oradan mürûr bütün bütüne münkat’olacağından ifâ-yı müktezâsı zımmında Nafıa Komisyonu’na emr-i havâlesi bâbında fermân. Fi 28 Eylül 316.