Item JM-AIY/OttomanRegisters/Vol11/p4a/item19 - Upon a petition regarding the construction of an unlicensed room in the village of Nebî, 16 December 1905 (Gregorian calendar) - 3 Kânûn Awwal 1321 (Ottoman fiscal calendar (Rumi)

1 item

Nebi Şemuyel umûm ahâlisi tarafından fi 24 Teşrîn-i evvel sene 321 tarihli verilen istidâ üzerine
Mahâl-i mezkûrun keşfî icrâ ettirilerek karye-i mezkûrda garbdan şimâle mümted ve vus’âtı asliyesi 3 arşundan 3 buçuk arşuna kadar olan cadde-i umûmiye üzerinde vâki’ arsada Nebî Şemuyel karyeli İlyân Abid (?) tarafından geçen sene bilâ-ruhsât ihdâsına mübâşeret olunan ve arsasının cihet-i temellükünden (mülk edinme) dolayı da’vası hukûk-ı bidâyet mahkemesinde derdest-i rû’yet bulunan ve ameliyâtı belediye tarafından tevkîf kılınmış olan bir bâb odanın hâl-i hazırda ikmâline teşebbüs ile ebniyesiyle yola tecâvüz ve mezkûr yol vus’atı bir arşun kaldığı ve kadimesine iâdesi lüzûmu belediye mühendisinin bâlâda muharrer şerhinden anlaşılmış ve Cezâ Kanûnnâme-i Hümâyûn’un 264. maddesinde tarik-i ‘ammeyi ve meydan ve seyir yerleri gibi menâfi-î amme için terk ve tahsîs kılınmış olan yerleri bozan ve tûl ve arzından yer çalan kimesineden bozduğu yerin masârif-i ta’miriyesi ahz ve istifâ ve aldığı yer istirdât olunduktan sonra 3 günden bir haftaya kadar habs ve 15 beşlikten 20 beşliğe kadar cezây-ı nakdî ahz ile mücâzât olunacağı musarrah bulunmuş olduğundan mezkûr yolun hey’et-i asliyesine ircâ’i için belediye mühendislerinden Nasri Effendi oraya i’zâmı ve merkûm İlyân Abid’den mühendis-i mumâ-ileyhin harcırâhı olan 45 ve madde-i mezkûrenin ahkâmına tevkîfen ta’rikin mesârif-i ta’miriyesi 100 ve cezây-ı nakdî olarak 75 ki cem’en 220 guruş tahsîliyle berâber merkûm üç gün tevkîfi tensîb kılınmış olmağla icrâ-yı icâbıyla mühendis mumâ-ileyhin bir nefer süvari terfiki zımmında zabıtaya emr ü havâlesi babında ferman. Fi 3 Kanûn-ı evvel sene 321.

• Osmanlı Türkçesi