Item JM-AIY/OttomanRegisters/Vol12/p4b/item25 - Upon a petition given by the neighbor shop owners for the purpose of manufacturing a sewer and pavement in the East neighborhood, 15 January 1907 (Gregorian calendar) - 2 Kânûn Thânî 1322 (Ottoman fiscal calendar (Rumi)

1 item

Şark mahallesinde sûk sükkafiyede (?) de vâki’ mahalde lağım ve kaldırım imâli için erbâb-ı mücâvire ashâbından fi 27 Şubat sene 1321 tarihli verilen istidâ üzerine
Mahâl-i mezkûrun keşfi icrâ olunarak orada şimdiye kadar lağım âdem-i imâli esbâbı tarik ortasında zîr-i zemînde bulunan ve Şeyh İbrahim Kami’ Effendi’ye aid olan üç bâb mahzen vucûdundan ileri geldiği ve mezkûr mahzenler izâle olunmadıkça bir imâl olunamayacağı ve iş bu mahzenler pahâsı ile matlûb lağım ve kaldırım imâli için 22.696 guruş masrafa ihtiyâc bulunduğu keşif me’mûrlarının merbût keşifnâmelerinden anlaşılmış ve mahâl-i mezkûrda mebhûs-ün-anh lağım ve kaldırım imâli gayet derecede zarûri olduğu ve meblağ-ı mezkûrun belediye sandığından sarf ve tesviyesi için belediye varidâtı gayr-i müsâid bulunduğu cihetle erbâb-ı amlâk üzerine bi-t-tevzî’ lâzım gelen ameliyâtın icrâsı meclis-i âcizânemizce mütalaa olunmuş ise de husûs-ı mezkûr bi-t-tezekkür tensîb buyrulduğu takdirde meblağ-ı mezkûrun meclis-î âcizânemizden ve meclis-i idâreden intihâb olunacak iki azâ ma’rifitiyle erbâb-ı emlâk üzerine tevzî’ ve mezkûr mahzenlerin Ebniye Nizamnâmesi’nin 19. maddesine tevfîken yoldan ref’i taht-ı karara alınması husûsunun meclis-i mezkûre emr ü havâlesi babında fermân. Fi 2 Kanûn-ı sâni sene 322.

• Osmanlı Türkçesi