Item JM-AIY/OttomanRegisters/Vol14/p10b/item44 - Upon a letter from the Ministry of Internal Affairs regarding the macadam tax of Jerusalem-Jaffa, 3 February 1909 (Gregorian calendar) - 21 Kânûn Thânî 1324 (Ottoman fiscal calendar (Rumi)

1 item

Kudüs Jaffa şose rüsûmu hakkında Dâhiliye Nezâreti celilesinin fi Kanûn-ı sâni sene 324 tarih ve 194 numerolu tahrirât-ı âliyesi üzerine
Mezkûr rüsûm-ı murûriyenin ta’rifesi merbûten mutakaddem pusulaya derc ve beyân kılınmış ve vâridât-ı seneviyesi 150 bin guruş raddesinde olub rüsûm-ı mezkûre sûreti mutakaddim Dahiliye Nezâret-i celîlesinin fi 27 Haziran sene 304 tarih ve 20 numerolu tahrirât-ı âlîyesine istinâden hastahâne mesârifine karşuluk olarak alınmakta olub Dahiliye Nezâret-i celîlesinin fi 16 Ağustos sene 1324 tarihli telgrafnâmesi mûcibince belediyenin vâridât-ı seneviyesinden 401.000 küsur guruş tenzîl kılınmış olmasına mebnî varidât-ı mezkûreden bâki kalan 500.000 küsur guruş sıhhıyye ve belediye me’mûrlarının ma’aşatına ve tanzîf ve tenvîr emr-i mühimi ile turuk ve esbâb-ı ümrâniyeden biri olan diğer mevâd-ı nâfıâ ve mühimmenin icrasına kifâyet etmemekte ve bunun tesdîdi için vesâit-i lâzimeye teşebbüs olunmakta bulunmasından dolayı mezkûr şose rüsumunun kemâfi’l-sâbık ahzına me’zûniyet i’tâ olunmadığı halde mezkûr hastanenin seddi tabî’ bulunmuş olduğundan ve seddi ise hükümet-i seniyye ve tebâ’-ı osmaniyye hakkında aslen muvâfık ve enzâr-ı yâr ve ağyârda lâyık olmayacağından rüsûm-ı mezkûrenin idâme-i ahzı ve her halde bu rüsûm araba ve hayvanât ashâbına bâr olunamayacağından cevâben bi’l-iş’âr buyrulması babında emr ü fermân. Fi 21 Kanûn-ı sâni sene 324.

• Osmanlı Türkçesi