Item JM-AIY/OttomanRegisters/Vol9/p27a/item174 - Regarding the petition of Yusuf El İsa from Jaffa about the construction of his house, 6 September 1900 (Gregorian calendar) - 24 Agustos 1316 (Ottoman fiscal calendar (Rumi)

1 item

Jaffalı Yusuf El İsa imzasıyla takdim kılınıp muhasebeye havâle olunan istidâ üzerine
İş bu istidâ ile merbûtu olan Jaffa Kaymakamlığı’nın cevabnâmesi mütalaa olundu Ebniye Nizamnâmesi’nin 53. maddesinde ebniye inşâ ve ta’mir edenler aleyhinde ebniyeden dolayı ameliyâtın ta’tili istidâ olundukta sahib-i bina ile bi’l-muhakeme haksız çıktığı halde zarar ve ziyanını tazmin edeceğine dair müstedi’ yedinden devâir-i belediyece bir sened ve mu’teber kefil alınarak yalnız müddei’nin (davacı) ta’tilini istediği mahallerin ameliyâtı on beş gün müddetle ta’til edileceği musarrah bulunmasına nazaran sahib-i istidâ Yusuf El İsa Effendi tarafından mahalline takdim olunduğu iş bu istidâda beyân olunan arzuhalde mebhus-un-anh duvar ameliyâtının ta’tili taleb ve istidâ edildiği ve lâzım gelen kefâlet dahi irâe olunduğu halde talebine icâbetle ameliyâtın müddet-i kanûniye zarfında tevkifi muktezâ-yı nizâmdan bulunmuş olup şu kadar ki kaymakamlığın cevâbnâmesinde hülâsası zikr olunan mumâ-ileyh Yusuf El İsa Effendi’nin bu babdaki istidânâsi yalnız tecavüzden şikâyeti mutazammın olup ameliyâyın tevkifi için talep ve istidâ vukû’una dair delâlet görülmemiş ve mücerred tecâvüzden bahs öyle bir müracaatın vukû’u ta’til-i ameliyâtı istilzâm etmeyeceği derkâr bulunmuş ise de Yusuf El İsa Effendi’nin mezkûr istidâsında ameliyât ta’tili taleb olunub da kefâlet dahi irâe edilmemesi bi-t-tabi muhâlif-i kanun olacağı ma’rûzdur ol babda emr ü ferman. Fi 24 Ağustos sene 316 (6th of September 1900).

• Osmanlı Türkçesi