Item JM-AIY/OttomanRegisters/Vol2/p10b/item65 - Public bid attribution, 3 October 1894 (Gregorian calendar) - 21 Aylûl 1310 (Ottoman fiscal calendar (Rumi)

1 item

Madde-i mezkûre meclis-i âcizânemize taalluk eder bir ciheti olmayıp ancak 304 senesinde Nafia Komisyonu Meclis-i âcizânemiz re’isi riyâseti tahtında bulunduğu cihetle Ayn Kerim karyesine bir şose temdîdi zımmında mezkûr şosenin bedel-i masârifi mevkî’-i münâkasaya tarh edilerek ba’d-keff-ül-rağbat beher metresi geçer akçe hesâbıyla 16 guruş bedel ve Ahmed İbrahim kefâletiyle Yusuf Bulas (?) uhdesine takarrür etmiş ve masârifât-ı müktezîyeye karşuluk karye-i mezkûrede bulunan Latin manastırı üzerine 150 ve Rusyalulara 200 ve Siyon Râhibelerine 100 ki cem’en 450 aded Fransız lirası tahsîs kılınarak ameliyât-ı mezkûreye mübâşeret olunması üzerine Rusyalılardan 160 ve Latin manastırından 110 ve mezkûr râhibelerden 50 ki cem’en 320 lira bi’t-tahsîl ashâb-ı istidâya i’tâ kılınıb 130 lira bakaya kalmış ve tarik-i mezkûrun alınan şerâite tevfiken i’mla olunup olunmadığı meclis-i acizânemizce mechûl bulunmuş olduğundan icâbına tezekkür buyrulmak üzere Nafıa Komisyonuna emr ü havâlesi babında. Fi 21 Eylül sene 310.

• Osmanlı Türkçesi