Item JM-AIY/OttomanRegisters/Vol10/p2a/item8 - Measures taken due to spread of cattle plague, 7 June 1904 (Gregorian calendar) - 25 Mayîs 1320 (Ottoman fiscal calendar (Rumi)

1 item

Kudüs’te bulunan Saruhan baytar me’murunun fi 1 Mayıs sene 1320 tarihli verilen takrîrde Kudüs ve mülhâkâtında vebâ-i bakarî hastalığı icrây-ı hükm etmekte bulunduğu cihetle pazarın hayvanât-ı bakariyeye karşu mesdûd bulundurulması lüzûmu beyân olunması üzerine Kudüs pazarı hayvanât-ı mezkûreye karşu mesdûd bulundurulmuş ve bu yüzden 1320 senesi bâc-ı hayvân rüsûmu mültezimi olan Mustafa Mekebe (?) tarafından fi 17 Mayıs sene 1320 tarihli verilen arzuhâlde beyânı ma’duriyetiyle mezkûr istidâ üzerine verilen karar
Kudüs’te bulunan Saruhan baytar me’muru fi 1 Mayıs sene 1320 tarihli verilen ve meclis-i âcizânemize havâle buyrulan takrîrde Kudüs ve mülhakâtında vebây-ı bakarî hastalığı icrây-ı hükm etmekte bulunduğu ve bu gibi bir maraz-ı sâriyenin müstevelliyen hükümfermâ olduğu zamanda mecû’-i hayvanât olan pazarların katiyen güşâdına müsaade edilmemesi müktezî idüğü cihetle Kudüs ve mülhâk kazalarda mevcûd bi’l-cümle pazarların iş’âr-ı âhire değin hayvanât-ı bakariyye karşu mesdûd bulundurulması lüzûmu beyân olunması üzerine Cuma günleri Kudüs’te güşâd edilmekte olan pazar fi 14 Mayıs sene 1320 tarihine tesâdüf Cuma gününden itibaren hayvanât-ı bakariyeye karşu mesdûd bulundurulmuş ve bundan dolayı bâc-ı hayvân rüsûmu mültezimi tarafından takdîm olunan iş bu arzuhâl beyân-ı ma’duriyetiyle iktizâsının ifâsı istidâ olunmakta bulunmuştur edilen istifsâra cevâben muâyene-i hayvaniyye me’murluğundan bâlâda yazılan derkenâra ve meclis-i âcizânemizce olunan tahkikâta nazaran mezkûr pazarda şu mevsimde her Cuma günü satılan hayvanât-ı bakariyenin mikdarı tahmimen 90 re’s olduğu anlaşılmış ve tebây-ı âlîye mikdâr-ı mezkûra göre pazarın mezkûr hayvanâta karşı mesdûd kalacağı müddet için baliğ olacağı mikdarın bedel-i iltizâmından tenzîli emsâli iktizâsından ve icâb-ı muâmelattan görülmüş ise de rüsûm-ı mezkûr münâsafaten mal ve belediye sandıklarına müşterek bulunduğundan muhâsebe-i livânın bu babda mütalaası alındıktan sonra husûs-ı mezkûr bi’t-tezekkür iktizâsının taht-ı karara alınması zımmında meclis-i idare-i livaya emr ü havâlesi babında ferman. Fi 25 Mayıs sene 320.

• Osmanlı Türkçesi