Item JM-AIY/OttomanRegisters/Vol13/p8b/item51 - Marginal note presented by the multazim of the taxes of macadams from Jerusalem to Jaffa, 24 August 1908 (Gregorian date) - 11 Agustos 1324 (Ottoman fiscal calendar (Rumi)

1 item

Kudüs’den Jaffa’ya kadar mümted şose rüsûmu mültezimi Davud Şerefa Effendi tarafından fi 9 Ağustos sene 1324 tarihli takdîm kılınan istidâsına derkenârdır.
Mezkûr Kudüs-i Şerif’den Jaffa’ya mümted şose rüsûmu Meclis-i Vûkelâ’nın kararına atfen makam-ı samî-i sadaret-penâhinin fi 12 Kânûn-i evvel sene 1298 tarih ve 8 numerolu şeref-vurûd eden emirnâme-i samîsi üzerine Kudüs belediye sandığına alınmakta olduğu ve bundan başka buradan sebk eden arz üzerine mezkûr şoseden alınacak rüsûm-ı murûriyenin Kudüs Belediye Hastahânesi’nin masârif-i idâre-i daimesine karşılık ittihâzı Şurây-ı Devlet Dâhiliye Dairesi’nden kaleme alınan mazbatada beyân olunduğu ve Meclis-i Mahsûs-ı Vükelâ’ca kararlaştırıldığı ve icâbının icrâsı makam-ı sâmi-i sadaretpenâhinin tezkere-i sâmiyesinde beyân buyrulduğu Dâhiliye Nezâret-i celîlesinin fi 27 Haziran sene 1304 tarih ve 20 numerolu mevrûd tahrirât-ı âliyesinde beyân buyrulmuş ve rüsûm-u mezkûre salif-ül-zikr evâmir üzerine alınmakta bulunmuş olduğundan ve hâl-i hazırda Jaffa’da ba’zı arabacılar tarafından rüsûm-ı mezkûrenin i’tâsında muhâlefet gösterilmekte olduğu iş bu istidâdan anlaşıldığından icrây-ı icâbı bâbında emr ü fermân. Fi 11 Ağustos sene 324.

• Osmanlı Türkçesi