Item JM-AIY/OttomanRegisters/Vol12/p30a/item193 - About water provision for poor people, 22 June 1907 (Gregorian calendar) - 9 Huzayrân 1323 (Ottoman fiscal calendar (Rumi)

1 item

Tedavül eden paranın kılletinde dolayı Kudüs’çe hâsıl olan ihtiyâc-ı umûmiyi tehvin ve fukara-yı ahâlinin su tedariki masrafı tahkik eylemek üzere daire-i belediyece Kudüs’e şimendiferle saat mesafede bulunan Bittir mevki’inden getirip istasyonda Birketü’s-sultan mevki’indeki havuza isâle edilerek mal olduğu mikdardan ahâliye tevzi’i takarrar olan suyun şimendifer mevkifinden mezkûr sarhınca kadar ferşine (döşeme) lüzûm görünen borunun Harem-i şerife câri suyollarının altı sene evvel demir boru ferşiyle icrâ olunan ta’mirâtından Harem-i şerif anbarında kalıp bi’t-tabi yollar lüzûm göründükçe ta’miratta istimâl olunmakta olan borylardan ferşiyle suyun isâlesi emr-i âli-i mutasarrıf-efhemiden olmağla teslim olunduğu gibi kâmilen iade eylemek ve cüzien eğildiği veya kırıldığı veya burgularına halel geldiği ve aliyyü’l-ıtlâk istimâlden kıymetlerini tenakus ettiği ve’l-hâsıl her ne sûretle olur ise olsun hâl-i hazırı ihlâl bi’l-muâyene Evkaf İdaresince tebeyyün ettikte beher metrosu altışar Frankdan esmânı belediye sandığından hemen tesviye edilmek ve boruların ferşinde 20 santime kadar toprak üzerinde yuva yapılarak mestûr olunarak istikmâl edilmiş ve Harem-i şerif anbarından nakl ve bi’l-ahire feth ve Harem-i şerif’e iâde masrafı belediyeye aid olmak üzere bi’l-muâyene lüzûm görünen bedel ____ _____ ve harem-i şerif’te mevcûd demir borulardan 310 metrosunun istifadesine karar verilmiş ve boruları teslim için belediye azâsından mekremetlü Muhammed Yusuf ve belediye mühendisi İbrahim Effendiler me’mûren ta’yin kılınmağla ol vechile mumâ-ileyhâdan alınacak sened üzerine boruların teslimi zımmında Evkaf Muhâsebeciliği’ne emr ü havâlesi babında ferman. Fi 9 Haziran sene 323.

• Osmanlı Türkçesi