Item JM-AIY/OttomanRegisters/Vol16/p19a/item144 - About population increase and risk of contagious diseases, 6 June 1910 (Gregorian calendar) - 24 Mayîs 1326 (Ottoman fiscal calendar (Rumi)

1 item

Müstagni-i arz ve beyân olduğu üzre Kudüs kasabası haricinde ebniye ve mesâkin ve emâkin tevsî’ ederek beldenin nüfûsu hemen 90 bine baliğ olmakla beraber belediye tabibinin umûr-ı adliyeye müteallik işleri dahi günden güne izdiyâd etmekte ve zuhûr edegelmekte olan emrâz-ı sâriyeye lüzum-ı dairesinde icâbına bakılamamaktadır bu yüzden dolayı belediye tabibinin usûl-i hizmetinden beklenilen tedâbir-i sıhhıyye ve tıbbıyye te’min edilemeyeceğinin tabî olmasıyla bu cihetin Meclis-i âcizânemizce led-et-tezekkür mevcûd olan belediye tabibine ilâveten diğer bir tabîbin ta’yini taht-ül-zimmetde olduğu ta’yin etmekle devlet-i âlîyye sekenesinden ve mekteb-i tıbbiyyeden diplomalı Tevfik Küffan (?) Effendi’nin belediye tebâbetine ilâveten ta’yini ve kendisine şehr-i carînin 25. gününden itibâren belediye büdçesinde karşılığı olmadığından bi-t-tezekkür tensîb buyrulduğu halde mumâ-ileyhin ol sûretle ta’yini ve maaşının ba’zı varidâtdan husûlü me’mul fazladan ve masârifden tasarruf olunacak mebâliğden haric-i ez-büdçe sarfı taht-ı karara alınması husûsunun meclis-i idâre-i livâ’ya emr ü havâlesi babında emr ü fermân. Fi 24 Mayıs sene 326.

• Osmanlı Türkçesi