Showing 9 results

Երուսաղեմի Սրբոց Հակոբյանց Միաբանության կանոնագիրքը` Երուսաղեմի հայոց պատրիարք Հարություն Վեհապետյանի կողմից հաստատված

Ղևոնդ վրդապետը Իզմիրլյան եսպիսկոպոսին տեղեկացնում է եկեղեցական և թեմերի հետ տարվող աշխատանքների մասին, ֆինանսական հարցերի, պատրիարքրաանի տնտեսական վիճակի, Բեթղեհեմի տաճարի պատուհանների, կատարվելիք ծախսերի անհրաժեշտության, Իսահակ եպիսկոպոսի գույքի, Նոր լուսարարապետի ընտրության և այլ անձնական հարցերի մասին

Դուրյան Պատրիարքի հրաժարականի մասին, Ադանայի դրության, Երուսաղեմի հաշուական խնդրի մասին, Արմաշի դպրեվանքի, Հայոց զինվորագրության, Օսմանյան պառլամենտի բացման, Երեսփոխանական ժողովի նոր կազմի, կուսակցական պայքարի ընթացքի, ազգային հիվանդանոցի ճգնաժամային վիճակի, Օրմանյանին վերստին պատրիարք դարձնելու ջանքերի և Նորատունկյանի` ոչ մի գործի մասնակցել չկամենալու մասին

Միհրան Սեթյանն ու Մաթևոս Իզմիրյանը քննարկում են Երուսաղեմի ֆինանսական խնդիրների քննության համար հատուկ հանձնաժողով կազմելու անհրաժեշտության մասին: Քննարկում են Երուսաղեմի Հայոց Պատրիարքության ֆինանսական խնդիրները, պարտքի գոյացման պատճառները, Կ. Պոլիս Ղևոնդ վարդապետի կողմից ուղարկված ֆինանսական հաշվետվությունը, կալավածքների գնման և վաճառման հարցերը, քննարկում են զանազան զեղծարարությունների կատարման հարցերը, Միաբանության ներքին խնդիրները: Քննարկում են կուսակցությունների և միաբանության միջև խաղաղություն հաստատելու անհրաժեշտության մասին, ազգային այլ հարցերի մասին: Բանաձևը վերաբերվում է Երուսաղեմի ֆինանսական հարցերի քննությանը, որը ներկայացվել է վարչական ատենապետներին կողմից Ազգային կենտրոնական Վարչության Խառն Ժողովին: Հաշվետվությունը կազմված է Մաթևոս Գայլըճեանը, ով Սուրբ Աթոռի ելմտից տեսուչն է, ներկայացնում է հաշվետվություն կազմված 60 էջից, որը վերաբերվում է Ղևոնդ վարդապետի կողմից կատարված ֆինանսական զեղծարարություններին մանրամասն քննությանը սկսած 1889թ-ից մինչև 1906թ.:

Քահանա Սահակ Սարգսյանի և Իզմիրյանի նամակագրությունում քննարկվում է Իզմիրյանի նկատմամբ իշխանությունների ունեցած կասկածանքները և դժգոհություններ, Եղիշե Չիլինկերյանի տարածած սուտ լուրերը: Սարգիս Սահակյանը խնդրում է Իզմիրյանին Երուսաղեմի Հայոց Պատրիարքության հարցերում դրսևորել չեզոքություն կառավարության զայրութը չհարուցելու համար, ինչին Իզիմիրյանը պատասխանում է, որ ինքը երբեք չի փորձել խառնվել միաբանության գործերին: Նրանք քննարկում են նաև Երուսաղեմի Հայոց Պատրիարքության ֆինանսական որոշ խնդիրներ, անձնական բնույթի հարցեր: Օրմանյանն ու Իզմիրյանը իրենց նամակագրությունում քննարկում են Ղևոնդ Մախսուդյանի կատարած ֆինանսական և այլ բնույթի բազում զեղծարարությունները,հանգամանքը, որ Ղևոնդը բողոքագրեր և դիմումներ է կատարել երկրի արդարադատության նախարարությանը, քննարկում են Երուսաղեմի Հայոց Պատրիարքության ներքին խնդիրները, կուտակած մեծ պարտքերը: Անրադառնում են Ժառանգավորաց վարժարանի մի շարք խնդիրներին, միաբանության մի շարք ըմբուտ միաբանների վարքին, քննարկում են նաև անձնական բնույթի հարցեր: Վարչական հրահանգում հրամայվում է ֆինանսական ստուգումներ անցկացնել Պատրիարքության ֆինանսական հաշիվներում 1892-1905 թթ ընկած ժամանակահատվածի համար: Տեղեկագրերում քննարկվում է Մաթևոս Իզմիրյանին Երուսաղեմից հեռացնելու անհրաժեշտության մասին: Առկա է նաև ''Շաբաթը'' վերնագրով հոդվածը անհայտ ամսագրից:

Տեղեկագիր Երուսաղեմի Սրբոց Հակոբյանց միաբանության 1893-1905 և 1905-1907 թթ ֆինանսական գործերի քննության վերաբերյալ, Ղևոնդ վրդ. Մախսուդյանի կատարած գործողությունների, լուսարարապետի ընտրությունների, սուրբ Աթոռում տեղի ունեցած դեպքերի, Միաբանության մեջ ներքին խաղաղություն հաստատելու մասին: Ֆինանսական ցուցակներ, Միքայել վարդապետի կտակ թողած օսմանյան արժեթղթերի ցուցակներ: Տեղեկագիր Երուսաղեմի միաբանության ծանր ֆինանսական վիճակի մասին սկսած 1820թ: Կան նաև սևագրեր:

Ժառանգավորաց Վարժարանի տեսուչ Պետրոս Սարաճեանի շուրջ ծավալվող իրադարձությունների վերաբերյալ գրագրություններ: Պետրոս Սարաճեանը պատրիարքին ներկայացնում է վարժարանի հնգամյա ուսումնական ծրագիր և խնդրում է այն քննել և հաստատել` կից ներկայացնելով նաև ծրագիրը, խնդրում է հաստատել դասավանդվող առարկաների ցանկը, ժամաքանակը և ուսուցիչների ցանկը: Վարժարանի տեսուչը Պետրոս Սարաճեանը, տնօրեն ժողովի անդամ Մեսրոպ Նշանյանը և ելեմտից տեսուչ Մաթևոս Գայըգճեանը իրենց պաշտոններից ազատվելու դիմումներ են ներկայցնում պատրիարքին: Մուշեղ վարդապետը Հարություն պատրիարքին մեղադրում է պատրիարքությունում տիրող իրավիճակի մեջ և նրան քննադատում է կատարած բազում ապօրինությունների համար: Տեղեկագրերով խնդրում են պատրիարքից կարգալույծ անել սարկավագ Հարություն Մանվելյանին, քանի որ նա չի կատարում իր պարտականությունները: Հրահանգ Երուսաղեմի պատրիարքության բարեկարգության համար: 1893 - 1905թթ. միաբանության ֆինանսական հաշիվների վերաբերյալ հաշվետվություն ուղղված Կ. Պոլսի պատրիարքությանը: 25 էջանոց ֆինանսական հաշվետվություն Ղևոնդ վարդապետի գործունեության վերաբերյալ: 45 էջանոց ֆինանսական հաշվետվություն տրված Ղևոնդ վարդապետի կողմից, որոնք վերաբերվում են գնված, վաճառված և վարձով տրված կալվածքներին, գնված և վաճառված արժեթղթերին:

Տեղեկագիրներից մեկը 1893-1905թթ. և 1905-1907թթ Սուրբ Աթոռի գնված և վաճառված կալվածքների, նոր կառուցված շինությունների, ֆինանսական հաշվետվությունների վերաբերյալ է: Երուսաղեմի հայոց պատրիարքության կողմից Կ. Պոլիս ուղարկված հաշվետվության վերաբերյալ եզրակացություն և որոշումների ընդունում: Տեղեկագրերից մեկում խոսվում է որբերի, միաբանության ներսում ղևոնդականների և հակաղևոնդականների համառ պայքարի, և միաբանությունում տիրող իրավիճակի մասին: Մեկ այլ տեղեկագրով մի շարք միաբանների Կ. Պոլսի պատրաիրքից խնդրում են իրենց տարագրյալ կուսակրոն միաբան ընկերներին թույլ տալ վերադառնալ Երուսաղեմ: 1889թ. Տնօրեն Ժողովի ատենագրություններից քաղվածքներ Եսայի պատրիարքի և պատրիարքարանի գույքի և հաշիվների վերաբերյալ: Մյուս նամակներում խոսվում է նորից Ղևոնդականների կողմից կատարած ապօրինությունների մասին, տեղեկություններ են հայտնվում Երուսաղեմի վերաքննիչ հանձնաժողովի աշխատանքների մասին: Վերջին նամակում խոսվում է յոթ վարդապետների Յոպպեի վանք փախնելու, հայ քաղաքացիների և հաշվետվություն պահանջողների միջև լարվածության, Հարություն պատրիարքի անկարողության, միաբանությունում տիրող աննախադեպ քաոսի, զեղծարարությունների , քաղաքացիների և որոշ միաբանների միջև բախումների մասին:

Երուսաղեմի Սրբոց Հակոբյանց Միաբանության կանոնագրքի վերաքննության և բարեփոխության քննության եզրակացության տեքստը