Showing 31866 results

Fi 29 Mayıs sene 1316 tarih ve 53 numerolu Beyt-ül-lahm kazâsı müdüriyetinin tahrirâtı üzerine
Beyt-ül-lahm ahâlisinden İsâ el Karûd nam kimesinenin arazisinde açılmış olan taş ocağından terâkim eden külliyetli etribe ile taş kırıntısının âliyyü’l-hale ibkâsı o arâziye mücâvir ve Hana el İlyâs ve Abdulah dan Musa nam kimesinelere aid arazide işlemekte olan ameleye hûbutu (düşme) muhakkak olduğu izzü’l-keşf tebeyyün etmesinden nâşi mahzûr-ı mezkûrun def’i ve izâlesi zımmında Hana el İlyâs ve Abdulah dan Musa nam kimesinelerden üç buçuk guruş Fransız lirası ba-tahsil merkûm İsa el Karûd’a i’tâsıyla arazisinde tekevvün (meydana gelen) olan etribenin ref’ine merkûm İsâ el Kârud’un mükellef tutulması hakkında kâzây-ı mezkûr belediye meclisinden karar verildiği iş bu tahrirât ile melfûf iki kıt’a arzuhâl mündericâtından anlaşılmış ve tehlike ve mahzûrun def’i ve izâlesi maksadına mübtenî olan mahal belediye meclisi kararının tenfîzi müktezî gibi görünmekte ise de icâbının mahalline tebliği irâde-i âliyye-i mutasarrıf efhemilerine menût bulunmuş olmağla ol babda. Fi 7 Haziran sene 316.

Sebze meyve gibi mahsulâtlarını sepet ve çuval içinde bey’ etmek üzre mezkûr fellâh kadınlarının dâhil-i şehrin zâten dar olan ezikka ve çarşılarında oturmamaları için ku’ûdlarına (oturma) mahsûs bir mahâl imâli meclis-i belediyece takarrar etmiş ve meclis-i idâre-i livâca da tensîb olunması üzerine geçenlerde Bab-el-Halîl kurbunda mevkî’i münâsib bir arsa belediyye tarafından isticâr ile üzeri ahşab ve çinko aile kapatılmış ve o vakitten beri mezkûr kadınlarla emsâlinin çarşularda oturmaktan men’ ile belediye tarafından imâl olunan mezkûr mahâlde mahsûlat satmak üzre ku’ûd etmek isteyenlerden mahâl-i mezkûrun bedel-i icârına karşıluk olmak üzre beher sepetden 10 ve çuvaldan 20 para ahz olunmakta bulunmuş müstedî’ler bundan dolayı mutazarrır olduklarını dermiyân ile mahsulâtlarının bey’i için gelmekte olan kadınlarının kemâ-fi-l-sâbık çarşılarda ku’ûdlarına müsaade i’tâsını veyahud dâhil-i şehirde başka bir mahal tahsisi istidâ eylemekte olup dâhil-i şehirde ise münâsib bir mahâl bulunamamış olmağın ol babda. Fi 8 Haziran sene 316.

Fi 7 Haziran sene 1316 tarihli Kudüs Sertahsildarlığı’ndan verilen takrîr üzerine
İnşâ ve ta’mir etmek için hükûmet-i seniyeye müracaat edenlerin verdikleri istidânâmeler üzerine vergi kaleminden ve deva’ir-i aidesinden muâmele-i lâzime icrâ olunduktan sonra iktîza eden ruhsatnâmeler i’tâ olunmakta olduğu gibi gerek emvâl-i emiriyenin ve gerek rüsûm-ı belediyyenin te’min-i istifâsı için bilâ ruhsat bir ebniye inşâ olunduğu belediyece haber alındığı halde sâhibi hakkında derhal iktizâ eden muamele-i kânuniye icrasından geri durulmamakta bulunmuş ve mamafih belediyenin ruhsat ve ma’lumâtı olmaksızın inşâ olunmuş ebniye var ise i’tâ olunan ruhsatnâmelerle ba’de-t-tatbik anlaşılmak ve ashâbı hakkında muamele-i kânuniye icrâ olunmak üzere vuk’u bulan inşaatın mikdârıyla esâmisinin ashâbını mübeyyen geçen sene emlâk yoklaması icrâ olunduktan sonra bir kıt’a defter bâ-takrîr taleb olunub Vergi Müdüriyeti’ne havâle buyrulmuş ise de şimdiye kadar i’tâ olunmadığından ve bu sene dahi inşaat yoklaması itmâm ve defteri tanzîm edilmiş olacağından icâbına bakılmak üzre mezkûr defterin bir kıt’a sûretinin sür’ât-i i’tâsı zımmında Vergi Müdüriyeti’ne emr-i havâlesi menût-ı re’yi âli-i efhemîler bulunmuş ve bilâ-ruhsat inşaat vukû’una meydân verilmemek üzre bir kat daha __ mütemâdiye icrâsı için belediye me’murlarına tenbihât-ı lâzime icrâ edilmiştir ol babda ferman. Fi 8 Haziran sene 316.

Hanesi yirmi bir bin guruş tahmin olunmasından dolayı i’tirâzı havi fi 11 Mayıs sene 1316 tarihli Avram Bin Sahak nam Musevi’den verilen istida üzerine
Mahal-i mu’tarız (itiraz eden) bahasının keşfi icrâ ettirilerek on bin guruş kıymetiyle tahmîn kılındığı bâlâda muharrer derkenardan anlaşılmış olmağla ol babda. Fi 10 Haziran 316.

Hacı Bekir Naşaşibi Effendi tarafından inşa olunan ebniyeden dolayı Halil Naşaşibi Effendi tarafından iddia vukû bulmasından naşî iktizâ eden kefâlet senedi bi’l-ahz ebniye-i mezkûrenin tevkif-i ameliyâtı zımmında Ebniye Nizamnâmesi’nin 53. maddesi ahkâmına tevfiken mumâ-ileyh Hacı Bekir Effendi’ye bir ihtarnâme gönderilmiş ise de ihtâr-ı mezkûru red ve tebliğinden istinkâf (çekimser kalma) edip ebniye ameliyâtına devam ettiği lieci’t-tebliğ i’zâm kılınan mühendis ve çavuş Effendilerin ifâdesinden anlaşıldığından ebniye-i mezkûre ameliyâtının on beş gün müddette devam-ı ta’tili hakkında iktizâ eden muâmele-i nizâmiyenin ifâsı zımmında zabıtaya emr ü havâlesi babında. Fi 13 Haziran 316.

We announce that according to the sultan’s decret (al irâda al sunnîyya) concerning the renovation of water reservoirs and their dependent systems in 14 places along the Hijâz road from Balqa’ to the place known as Al Bî’r Al Jadîd (the New Cistern) under the supervision of the special committee for the establishment of telegraph lines in the Hijâz, there will be a need to pay 1700 master builders and 1000 workers daily. Every day eight to 16 master builders should work to build walls and a stone quarry, along with four stone cutters, and 10 workers.
For the announcement of the Dutch auction, it was decided to present the mentioned workers as follows : each master builder should be paid 22 piasters and each worker 9 piasters, considering that each riyâl majîdî equals 24 piasters and five para, under the condition that the master builders and workers be neither too young nor too old, and that they be capable and experienced in their work.
The contractor should count full salaries for the master builders and workers when they are present on the road and at work. During the days where are obstacles to work, such as lack of the needed materials or water, (he should count) half of the salaries. On days where they get sick or are late in getting work done for inadmissible reasons, they will not get their salary.
The contractor should give all master builders and workers two monthly salaries in advance (bi wûdj al salf) from the time they go to work. For the trip and the transportation of the things and supplies of these masters builders and workers, (the contractor) should give each of them the money for the rental of a camel from the time they begin to move until they return with the water and the construction tools given by the government.
So everyone who is interested in this Dutch auction should contact the municipality in Jerusalem within five days starting from today. In order for this to be known, these directions were published in the 21st of Huzayrân (1)316 (4th of July 1900).
[1 signature]

Sancağın ba’zı mahallerinde çiçek illeti zuhûru hasebiyle ahâliden iktizâ edenlerin bi’an evvel aşılanması müktezî olduğundan ve geçen sene taleb olunan 500 tüpden bâki kalan 300 tüp ile daha 500 tüpün sür’ât-i irsâli lüzûmu fi 12 Haziran sene 1316 tarih ve 89 numerolu meclis-i âcizânemizden ba-takrîr arz olunduğundan mezkûr 800 tüpün sür’ât-i irsâli husûsunun Tıbbıyye Nezâret-i âlîsine bu kere dahi telgrafla te’kid buyrulması babında. Fi 22 Haziran sene 316.

Tur karyesi civârında vâki ve Rum Manastırı’na aid Galalya (?) demekle ma’rûf mahalde bazı ebniye inşâsı için ruhsat i’tâsı hakkında bundan takriben iki mah evvel rütbetlü Patrik Effendi hazretleri tarafından takdim kılınan takrir üzerine muâmele-i nizâmiye icrâsı için devâir-i iadesine havâlesinde oradaki arâzinin nev’inden dolayı Evkaf ve Defter-i hakâni daireleri beyninde hâsıl olan ihtilâf üzerine keyfiyet vaktiyle meclis-i idare-i livâya havâle buyrulmuş ve şimdiye kadar meclis-i mezkûrdan bu babda karar ve netice i’tâ olunmamış olduğu halde ebniye-i mezkûrenin bilâ-ruhsât inşâsınebniye ameliyâtına mübâşeret olunduğu ve bunun şekl ve hey’etine göre ileride kilise ittihâzı melhûz idüğü bu günkü gün mühendislerden verilen jurnalde beyân olunmuş ve ebniye ameliyâtının ta’tili lüzûmu kalfalara ihtâr edildiği gibi kendilerinden cezây-ı nakdi ahzı makarrar bulunmuş olduğundan ruhsât istihsâline kadar ameliyâtın devâm-ı ta’tili lüzûmunun Patrik-i mumâ-ileyhe irâde ve iş’ârı babında ferman. Fi 26 Haziran sene 316.

Hınta = 1 şinik, yalnız 5 guruş
Şa’ir = 1 şinik, yalnız 3 guruş 30 paradır
1316 senesi Temmuz 3. gününde hıtta ve şa’irin beher şiniki sağ akçe hesâbıyla balâda muharrer fi’yat ile değer olduğu led-et-tahkîk tebeyyün ettiğinden Evkâf Muhasebesi’nden vâki olan taleb üzerine iş bu pusula yazılarak i’tâ kılındı. Fi 3 Temmuz sene 316.

No English translation for this decision.