Սինոդը ստանալով հին ղրիմեցի վաճառականի կին Լուսպիքի Պետրոսյանի կտակագրի պատճենը, իր ոսկի գոտին Էջմիածնի, Երուսաղեմի և Հին Ղրիմի եկեղեցիներին կտակելու մասին, որոշում է հայտնել, թե ուր է այդ գոտին և Երուսաղեմն ու Հին Ղրիմը ինչքան են ստացել իրենց բաժնի դիմաց
Սինոդը ստանալով Երևանի կոնսիստորիայի տեղեկագիրը, Ալեքսանդրապոլի շրջանից երեք քահանաների անլեգալ կերպով Երուսաղեմ փախչելու մասին, որոշում է դիմել կառավարչապետին, որ դրանց վերադարձնել և հանձնել տա Երևանի կոնսիստորիայի տնօրինությանը:
Սինոդը ստանալով Բեսարաբիայի կոնսիստորիայից Բելցիի վաճառական Հարություն Դավթյանի կտակած գումարների ցուցակը, զանազան վանքերին և եկեղեցիներին, դրան կից ստանալով նաև Էջմիածնին, Երուսաղեմի և Հովհաննու վանքերին հասանելիք 115 ռուբլին, որոշում է Էջմիածնի բաժին 60 ռուբլին հանձնել գանձապետին և մնացյալը ուղարկել փոխարքայի դիվանի դիպլոմատիական բաժնին, Երուսաղեմի և Ս. Հովհաննես – Կարապետի վանքերին հասցնելու համար
Սինոդը որոշում է կաթողիկոսի տնօրինությանը ներկայացնել Երուսաղեմի Կիրակոս պատրիարքի միջնորդագիրը, Դավիթ ծայրագոյն վարդապետին եպիսկոպոս ձեռնադրելու համար
Սինոդը Ալեքսանդրապոլի հաջորդից ստանալով ռուբիա, որը Ղփչաղի վանքի միաբան Անտոն վարդապետը /հանգուցյալ/ կտակել է Լիմ, Կտուց անապատներին, Մշո Ս. Կարապետի և Երուսաղեմի վանքերին, որոշում է հրամայել ծախսարարին, որպեսզի օտարապատկան դրամներին կցի այն