Showing 190 results

Ի պատասխան Երուսաղեմի հայոց պատրիարքի հրավերի, խոստանում է, այցելել: Իր առաջ ծառացած դժվարությունները հաղթահարելուց հետո, խորհուրդ է տալիս ձեռք քաշել հայ և հույն եկեղեցիները միացնելու զուր ջանքերից, մատնանշելով, որ իննը կաթողիկոսների դա չի հաջողվել անել

Սարգիս արք. Ջալալյանը գրում է իր` Պոլիս ժամանելուց առաջ արդեն դիմել էին Բ. Դռան Լատինացոց անիրավության առաջն առնելու համար: Կառավարությունը ընդառաջել էր խնդրանքին և պետական ծախսով նորոգել էր տվել տաճարի առաստաղը և արտոնել Հայոց և Հունաց պատկերները կախելու ըստ հնավանդ սովորության:

Սարգիս արք. Ջալալյանը նշում է տաժանելի ճանապարհորդությունը դեպի Զմուռնիա հասնելը:Գովում է տեղի ժողովրդի ուսումնասիրությունը և այլ բարեմասնությունները: Նշում է նրա քեռայրի և այլոց հետ հանդիպումը: Նշում է և իր առաքելության հաջող հետևանքը: Վերջում շեշտելով Երուսաղեմի ՀԱյոց պատրիարքության ամենօր զարգանալն ու Էջմիածնի կաթողիկոսության ''թուլացումը'' երկյուղ է հայտնում, որ ազգի սիրտը իսպառ կդառնա Երուսաղեմի կողմը:

Գրում է, որ Կաթողիկոսի հրամանով Կ. Պոլիս գալով իմացել է, որ Երուսաղեմի Աթոռի Եգիպտոսում ունեցած կալվածքներն ուզում են խլել ոմանք:Խնդրում է արգելելայդ անիրավությունը:

Աստրախանի հայոց վիճակային կոնսիստորիայից ուղարկված գումարները Պերուտ քաղաքի հյուպատոս Կոնստանտին Վասիլովի միջոցով ստանալու մասին.

Շնորհակալություն է հայտնում և ուղարկում է մի բանաստեղծություն:

Ժառանգավորաց Վարժարանի տեսուչ Պետրոս Սարաճեանի շուրջ ծավալվող իրադարձությունների վերաբերյալ գրագրություններ: Պետրոս Սարաճեանը պատրիարքին ներկայացնում է վարժարանի հնգամյա ուսումնական ծրագիր և խնդրում է այն քննել և հաստատել` կից ներկայացնելով նաև ծրագիրը, խնդրում է հաստատել դասավանդվող առարկաների ցանկը, ժամաքանակը և ուսուցիչների ցանկը: Վարժարանի տեսուչը Պետրոս Սարաճեանը, տնօրեն ժողովի անդամ Մեսրոպ Նշանյանը և ելեմտից տեսուչ Մաթևոս Գայըգճեանը իրենց պաշտոններից ազատվելու դիմումներ են ներկայցնում պատրիարքին: Մուշեղ վարդապետը Հարություն պատրիարքին մեղադրում է պատրիարքությունում տիրող իրավիճակի մեջ և նրան քննադատում է կատարած բազում ապօրինությունների համար: Տեղեկագրերով խնդրում են պատրիարքից կարգալույծ անել սարկավագ Հարություն Մանվելյանին, քանի որ նա չի կատարում իր պարտականությունները: Հրահանգ Երուսաղեմի պատրիարքության բարեկարգության համար: 1893 - 1905թթ. միաբանության ֆինանսական հաշիվների վերաբերյալ հաշվետվություն ուղղված Կ. Պոլսի պատրիարքությանը: 25 էջանոց ֆինանսական հաշվետվություն Ղևոնդ վարդապետի գործունեության վերաբերյալ: 45 էջանոց ֆինանսական հաշվետվություն տրված Ղևոնդ վարդապետի կողմից, որոնք վերաբերվում են գնված, վաճառված և վարձով տրված կալվածքներին, գնված և վաճառված արժեթղթերին:

Տեղեկագիրներից մեկը 1893-1905թթ. և 1905-1907թթ Սուրբ Աթոռի գնված և վաճառված կալվածքների, նոր կառուցված շինությունների, ֆինանսական հաշվետվությունների վերաբերյալ է: Երուսաղեմի հայոց պատրիարքության կողմից Կ. Պոլիս ուղարկված հաշվետվության վերաբերյալ եզրակացություն և որոշումների ընդունում: Տեղեկագրերից մեկում խոսվում է որբերի, միաբանության ներսում ղևոնդականների և հակաղևոնդականների համառ պայքարի, և միաբանությունում տիրող իրավիճակի մասին: Մեկ այլ տեղեկագրով մի շարք միաբանների Կ. Պոլսի պատրաիրքից խնդրում են իրենց տարագրյալ կուսակրոն միաբան ընկերներին թույլ տալ վերադառնալ Երուսաղեմ: 1889թ. Տնօրեն Ժողովի ատենագրություններից քաղվածքներ Եսայի պատրիարքի և պատրիարքարանի գույքի և հաշիվների վերաբերյալ: Մյուս նամակներում խոսվում է նորից Ղևոնդականների կողմից կատարած ապօրինությունների մասին, տեղեկություններ են հայտնվում Երուսաղեմի վերաքննիչ հանձնաժողովի աշխատանքների մասին: Վերջին նամակում խոսվում է յոթ վարդապետների Յոպպեի վանք փախնելու, հայ քաղաքացիների և հաշվետվություն պահանջողների միջև լարվածության, Հարություն պատրիարքի անկարողության, միաբանությունում տիրող աննախադեպ քաոսի, զեղծարարությունների , քաղաքացիների և որոշ միաբանների միջև բախումների մասին:

Հաշվեցուցակ` Աստրախանի հայոց թեմի եկեղեցիներից Ս. Երուսաղեմի օգտին հավաքված գանձանակադրամի

Երուսաղեմի Սրբոց Հակոբյանց Միաբանության կանոնագրքի վերաքննության և բարեփոխության քննության եզրակացության տեքստը