Showing 4210 results

This inventory includes the transcription (into Arabic and Turkish) and translation into English of the 18 volumes of reports (55% in Ottoman Turkish, 45% in Arabic) from the Ottoman municipality of Jerusalem between 1892 and 1917.

Bu babda mukaddemâ takdîm kılınan tekârirde Bâb el-Amûd karakolhânesi ta’mirâtı için bir şey zikr olunmadığı ve hapishâne karakolhânesi vaktiyle keşfi icrâ edilerek tanzîm kılınan keşf defteri fi 20 Mart sene 1308 tarihli meclis-i âcizânemizden verilen derkenâr üzerine meclis-i idâre-i livâya havâle buyrulmuş olmağla ol bâbda. Fi 5 Mayıs sene 308.

Sâhib-i istidânın tesvîyesi talebinde bulunduğu masârifâtın ba-tahkîk sıhhati tebeyyün eylediği halde hangi turukdan sarf ve tesvîyesi müktezi olduğu beyânı zımmında meclis-i idâre-i livâya havâle buyrulması bâbında. Fi 7 Mayıs sene 308.

Matlûb ta’mirâtın masrafı meydan-ı münâkasaya tarh olunarak teşvîkât ve tergibât-ı aleniyye-i müessire icrâ olunduktan ve tâlib bulunanlar keff-i yed (el çekme) eyledikten sonra merbûten takdîm kılınan keşf ve münâkasa varakası mûcibince geçer akçe olarak bin iki yüz guruş bedel ile Seyyid Muhammed Semz (?) kefâletiyle Derviş El-Said Muhammed uhdesine takarrür etmiş olmağla ol bâbda. Fi 9 Mayıs sene 308.

Fi’l-hakika mezkûr ta’mirin hey’et-i hâzırası vechile kaldığı halde mürûr u ubûra hâ’il olacağı gibi redâvet-i havaya mûcib bulunmuş olduğundan ta’mirine baktırılmasına rûy-ı rızâ göstermeyen Hasan Bin Halil ile Mahmud El Şeref ve Hacı Bekir Effendi El Davudi celb edilerek imâline cebr edilmesi zımmında zabıtaya havale buyrulması babında. Fi 11 Mayıs sene 308.

Mezkûr ta’mirâtın tekrar meydan-ı münâkasaya tarh edilerek bâlada mıstar derkenarda arz olunduğu vechile tahmin kılınan masarifâtın had-i nısfâniyetinde bulunduğu cihetle tenkîs edecek kimesinenin rağbeti zuhûr etmemiş olmağla ol babda. Fi 11 Mayıs sene 308.

The council has realized the necessity to build the stores (places?) indicated in the last inspection report in order to install the kitchen ordered in Paris for the hospital (hastakhana). The amount allocated for hospital expenses in the budget is sufficient for the construction works. Therefore it has been decided by the council to nominate the respectable Tahar Effendi and the engineer under the supervision of the respectable Frankia Effendi and the engineer (illegible), under the condition that the amount shown in the mentioned inspection report not be exceeded and which is twenty-three thousand five-hundred piasters according to the official currency. In order for this amount to be paid in installments from the road revenues in the municipal treasurer’s office and in order for the works to begin, this decision was taken on the 12th of Mayîs (1)308 (24th of May 1892).
[7 signatures]

Turuk fazlasından olup bir kısmında kıraathâne inşâ olunan arsadan bâki kalan mahalde dört bab dükkan ile dört oda inşâsı için mukâvele akdi hakkında fi 7 Zilhicce sene 1308 tarihli sahib-i istidâdan bâ-arzuhâl istidâ olunması üzerine mahal-i mezbûrun keşfi icrâ olunarak imâli taleb olunan mezkûr ebniyenin aliyyül-akall seksen bin guruş masârifâta muhtaç olduğu tebeyyün etmiş ve meclis-i âcizânemiz sandığında akçe mevcûd bulunmamasından ve mahal-i mezkûrun inşâsından menfa’ât ve vefret-i mesârifâtına nazaran faide-i külliyesi bulunmasından dolayı on iki senede intifâ’ edilmek ve her senede tarafından belediye sandığına on aded lirây-ı Fransız i’ta etmek ve mezkûr on iki seneden sonra meclise terk etmek üzere mahallât-ı mezkûrenin matviyyen takdîm kılınan harita mûcibince inşâsına ittifâk hâsıl olarak bu babda müttehiz olan belediye nizamnâmesinin 39. ve 42. maddelerine tevfiken iktizâ eden mukâveleyi bi’l-akd bir kıt’a taahhüd senedi ahz ü hıfz olunmuş ve tarafından ebniye-i mezkûre ameliyâtına mübâşeret oldukta arsay-ı mezkûre orada mücâvir bulunan Ofimyâ(?) nam râhibe arâzisinden terk ve ona aid olduğu bidâyet mahkemesinde iddiâ edilerek nizamnâme-i mahsûsa tevfiken ebniye-i mezkûre ameliyâtı on beş gün tevkîfine hâcet mess etmiş ve merkûmenin hakkı olmayıp tevsî’-i târikden kalıp bir kısmında kıraathâne inşâ olunan mahal idüğü tebeyyün etmesiyle ebniye-i mezkûre ikmâline rushsat verilmiş ve şimdiye kadar te’hiri ile teâti kılınan kontratoda meşrût Sedât Alemiye’ye aid hamamın mecrâsına tavassut etmek için mahal-i mezbûra bir kapu küşadından temettu’ etmesinden dolayı ileri gelmiş olduğundan işbu protesto şimdiden reddiyle sâhib-i istidânın bir diyeceği var ise iktizâ eden mahale müracaât eylemesi müktezî olduğu meclis-i âcizânemizce tebeyyün etmiş ise de ol bâbda emr ü fermân hazret-i menleh-ül-emrindir. Fi 12 Mayıs sene 308.

No translation nor transcription of this decision.